Orkut Chat - Pizza Special

Characters

Tharkee : A Senior,

Myself : A Junior

Stage

Artificial Orkut Web Space : Scrapbook Chat

[Scene set at two distant computer systems]

Tharkee: kya kar raha hai be?

Myself: Kya karenge Prabhu, kat raha bas kisi tarah, aap sunao kya haal chal hain inside-outside?

Tharkee: ladkiya kaisi hai teri inside out?

Myself: Ladkiya?? Mazak uda rahe ho, chida rahe ho, theek hai chida lo, ek din hamara bhi waqt ayega, us din keyboard bhi hamara hoga aur scrap bhi hamara hoga!!

Tharkee: sale keyboard ab hi bhi tumhara hi hai aur scrap bhi tumhara hi hai....mai to generally tere scrap dekh kar assumption laga raha tha...aur assumption itna bura bhi nahin hai.....kya bolte ho?

Myself: Ab bhau aapse kuchh chhipa reh sakta hai bhala, jab tak pizza khane ko nahi milta, idhar udhar muh maar ke garlic bread-stick toh kha hi sakte hain, aur itne pe bhi orkut pe khane ka mazaa toh milta nahi hai, garlic bread-stick soongh lete hain bas!!!

Tharkee: teri scrap par galiyaan nahin likhna chahta..bas itna samajh le..
sale garlic bread ki aulad..tune kis kis ke pizza ka slice nahin khane ki fight mari yeh bata..woh baat alag hai ki abhi tera number nahin laga hai..aur yehi baat mast hai ..le tere liye ek naya sher..

woh aur honge jinhe mil gayi fursat tauba karne ki
hume to gunah karne ko jindagi kam pad gayi.

Myself: Yahi sunna reh gaya tha ab, woh bhi bhaau aapke muh se, jise maloom hai ke maine kitna kataya hai, kitni baar laat maar ke nikal diya gaya hu, aur aap kehte hain ke kis kis ka pizza!!! aap bhi mujhe samajh na sake, uff!!

Tharkee: sale pizza ya to apna hota hai ya nahin hota...aur beech ki cheez nahin hoti..mere dost haan yehi zindagi ki kadvi sacchayi hai...mujhe khushi hai is baat ki ,ki ab tu is sach ko jaan gaya hai...jaa aur apna, khud ka pizza kha...yummy..:)

Myself: Ek gum yeh bhi hai, jahan log double crust cheese pizza inlaid with patties aur na jane kya kya kha rahe hain, wahan hame plain onio pizza bhi naseeb nahi hai, yeh kya na-insaafi hai us Sarva-shaktimaan parmeshwar ki, aakhir kyon hamme yeh pizza ki bhookh jagti hai!!!

Tharkee: haan dost ek sachai yeh bhi hai...ki jab aukat kam hoti hai to pehle saste wale pizza se hi santosh karna padta hai ( Pizza treat for Rs. 75 only) lekin dheere dheere jab tum pizza ke regular customer ban jaate ho to pizza wale discount dete hia aur tum kam aukat mai chicken tadoori maha mazza bhi kha sakte ho.
bhagwan tere sabr ka imtehaan le rahe hai...mere cheete..bhagwan kare tu har ek naye din ek naya pizza khaye aur mujhe bhi khilaye...

Myself: Bhau hame toh bas ek onion pizza, bina topping ka, chahe toh onion bhi utar lo, bas pizza base hi khila do, woh bhi roz same pizza base, kyonki ab garlic bread-stick ki khushboo le leke aur doosron ko pizza khate dekh ke jiya jana mushkil ho gaya hai, haath ki bani dal roti bhi ab chhorne ka mann karta hai, kitna kada imtehaan hai yeh, par main bhi shayad bekaar hi aapko pareshaan kar raha hu, apna pizza toh mujhe khud hi dhoondh ke khana hoga!!!

Tharkee: beta pizza to sabko apna hi dhoondha padta hia..lekin experience logo se madad mil sakti hai...
Tu mere hi jaisa hai isliye mujhe poora vishwas hai bahut jaldi tu bahut saare pizza khayega...Amen

Myself: Amen!